Rama hesht, Balluku sfidon: Dy standardet që po trondisin qeverinë – Nga Rea Lundra

Edi Rama dhe Belinda Balluku po luajnë qartazi me dy standarde.

Në çdo vend normal, kryeministri do t’i kishte kërkuar të paktën për sy e faqe dorëheqjen ministres së tij pas skandaleve të njëpashtëshme, sidomos me inceneratorët dhe koncesionet e dyshimta. Por jo Edi Rama. Ai hesht, ul kokën dhe duron, sepse e di shumë mirë: Belinda Balluku nuk është Erion Veliaj. Ajo i ka thënë hapur, me zë dhe me figurë: “Unë nuk jam si ai që e hiqte qimen nga gjalpi dhe pranoi çdo poshtërim publik”. Belinda e ka kthyer në avantazh forcën dhe mosnënshtrimin e saj, dhe tani Rama e ka frikë hapur.

Problemi më i madh është se gjithë kjo lojë po mbahet pezull nga vonesa e qëllimshme e Gjykatës Kushtetuese. Çdo ditë që kalon pa vendim, i shërben pikërisht Edi Ramës: i jep kohë të frymojë, të manovrojë, të shpëtojë aleatet dhe të shuajë zjarrin para se të përfshijë gjithçka.

Është një teatër i turpshëm ku ligji, morali dhe përgjegjësia politike kanë ikur prej kohësh nga skena. Fatkeqësisht, publiku shqiptar e shikon çdo ditë, por askush nuk e ndalon shfaqjen.