Your dedications
Currently there are no new dedications

Politikë

“Urime studentëve për rrëzimin e makiavelistit dhe populistit të Beogradit!”

todayOctober 26, 2026 11

Background
share close

Erion Veliaj duket se ka zgjedhur t’i dërgojë një mesazh indirekt Edi Ramës nga qelia, duke përshëndetur fitoren e studentëve në Serbi dhe rrëzimin e pushtetit të Aleksandër Vuçiçit.

Përmes një postimi në rrjetet sociale, Veliaj nga qelia shkruan me spec se lëvizjet studentore nuk janë ‘fundi i botës’, por fundi i ‘një bote’, duke i kujtuar Ramës se PS funksionon dhe pa të.

Ky mesazh duket si një formulim që, në klimën e protestave, tingëllon më shumë se një urim për zhvillimet në Beograd. Një mesazh që dukert sikur manifeston rrëzimin e Ramës nga qeveria.

Duke iu referuar Aleksandër Vuçiçit si makiavelistit të Beogradit, ky mesazh lë të nënkuptojë ndër rreshta se Veliaj është kundër Edi Ramës dhe pro protestave që duan largimin e kryeministrit.

“Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate”, shkruan Veliaj, duke vlerësuar fuqinë e protestave.

A po i kujton Veliaj Ramës se asnjë pushtet nuk është i përjetshëm dhe se së shpejti Rama do të ketë fatin e vëllait të tij serb?

Më poshtë deklarata e zotit Veliaj:

Urime studentëve për rrëzimin e makiavelistit dhe populistit të Beogradit!

Lëvizjet dhe protestat studentore nuk janë “fundi i botës”, por fundi i “një bote”. Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate.

Urime të përzemërta edhe shqiptarëve tanë në Serbi, të cilët, sipas projeksionit aktual, e rrisin përfaqësimin e tyre nga një në dy mandate. Një zë më i fortë për të drejtat e shqiptarëve në Serbi!

Written by: Daors Media

Rate it