📢SQARIM PUBLIK!

Ilirjana Kucana:

Inskenim i pastër i ngritur dhe organizuar dje ndaj meje nga Taulant Balla.
Gjatë protestës studentore, ku isha pranishme si pedagoge dhe qytetare, u rrethova dhe u shoqërova dhunshëm nga dhjetëra policë të maskuar e pa numra identifikimi. Më mbajtën të izoluar për 8 orë në komisariat, duke më mohuar në mënyrë të paligjshme të drejtën elementare për të njoftuar familjen time.
Pretendimet dhe trillimet publike nga Taulant Balla dhe Sokol Balluku i ABC News, se unë kam nxitur dhunë, u kam kërkuar studentëve të linin mësimin, apo se mbaja një çantë me granata në kurriz, janë mashtrime të ulëta. Asgjë nuk u provua në video apo në komisariat, sepse unë jam promotore e dijes, jo e dhunës!
Pse ky inskenim? Sepse unë nuk shitem, nuk jam pjesë e stabilokracisë dhe nuk i braktis dot të rinjtë përballë banditëve të pushtetit. Unë jam e pashantazhueshme! Taulant, ti do të shkosh në qeli, ndërsa unë jam në shtëpi. Duart e mia nuk janë të lyera me gjak, korrupsion apo “call center”-a.
Këto veprime represive tregojnë vetëm panikun e pushtetit përpara ngritjes së qeverisë teknike me mbështetjen e SHBA-ve. Ky sulm vetëm sa më motivon më shumë. Ne jemi të palëkundur dhe asgjë nuk e ndal revolucionin e shqiponjave! Do të jem çdo ditë aty, në vijë të parë!