Çfarë po pret Sali Berisha?

Riperitja thotë “Doktor Berisha”??

Revolucioni Flamingo ka 122 ditë. 122 ditë që dëgjojmë vetëm një refren: “Berisha Burg”. E kuptoj që Berisha është kastë e vjetër, por çfarë po bën ky “Doktor”? Nuk di apo nuk do ta kthejë këtë revoltë në favorin e tij? Mundësitë i ka të gjitha. Por nëse mendon se me ato foltorët e Riperitjes do të zgjojë popullin, është plotësisht i gabuar. Populli është në shesh, jo në studio dhe jo në ekranet e tyre.

Mos vallë Doktori po luan lojë të dyfishtë? E them këtë sepse kemi audio-përgjimet e Ahmetajt, kemi skandalin e Aksit, dhe prapë PD-ja s’di (ose s’do) t’i kthejë asgjë në favorin e vet. Si është e mundur që me kaq material në dorë të qëndrosh i heshtur?

Shoh vetëm Belindin. Sot pashë edhe Genc Strazimirin. Po Salianin? Pse nuk e ftoni pranë jush? Pse vazhdoni të jeni të ndarë si gjithmonë? Duhet të jeni të bashkuar të gjithë, sepse ndryshe nuk fitoni asgjë. Asgjë!

Nëse kjo është strategji, është strategji e dështuar. Nëse është frikë, është tradhti. Nëse është lojë e dyfishtë, atëherë le ta thonë hapur. Sepse me këtë heshtje dhe me këtë ndarje, po e digjni vetë atë që populli po përpiqet të ndërtojë në shesh.

Kensa