Neomalësoria nga politikane po kthehet qesharake!

Pas paralajmërimit se do të shkatërronte Bajrat, Marjana Koçeku i kthehet estetikës dhe godet Palasën

Vetëm një ditë pasi paralajmëroi se, nëse fisi Bajri do të prekte familjen e saj, ajo do t’i shkatërronte, deputetja Marjana Koçeku ka zhvendosur vëmendjen nga konfliktet e Shkodrës tek arkitektura e jugut.

E larguar tashmë nga grupi parlamentar socialist, Koçeku publikoi në Facebook një foto ajrore të kompleksit të vilave në Palasë, të shoqëruar me komentin: “N’rast se s’punon gPS-ja, si e njeh cila asht shpia jote: janë tana njisoj.”

Me një fjali të vetme, deputetja shkodrane ironizoi uniformitetin e vilave, duke dëshmuar se, përtej përplasjeve politike, ka zhvilluar edhe një sens të mprehtë për estetikën.

Kështu, pas paralajmërimeve ndaj Bajrave, deputetja që braktisi grupin parlamentar të PS-së ka kaluar nga lufta me fiset tek lufta me monotoninë arkitekturore, duke treguar se në Facebook arsenali i saj shtrihet nga krimi i organizuar deri te vilat “që janë tana njisoj”.